Udhëzues
Sipas vendit bëhet kuvendi - jemi rrjet profesionistësh, dhe ndërveprimi bazohet tek respekti, mirëkuptimi dhe rradha e diskutimit.
Udhëzues për Rrjetin
Në evente ruhen parimet që mbështesin komunitete të shëndetshme.
Më shumë info së shpejti.
Përfshirja është baza e rrjetit IllyrianBrains. Ne besojmë se rritja dhe bashkëpunimi ndodhin më mirë kur njerëz me rrugëtime të ndryshme profesionale, familjare dhe kulturore bashkohen për të ndarë dije, përvoja dhe pyetje të hapura.
Vlerësojmë çdo kontribut, veçanërisht nga:
- Studentë, që sjellin energji, ide të reja dhe dëshirë për të ndërtuar ura mes akademisë dhe praktikës.
- Familje të reja, që sjellin perspektiva të çmuara mbi menaxhimin e kohës, përkushtimin dhe përparësitë në një fazë të ndjeshme të jetës.
- Profesionistë në tranzicion, që guxojnë të riformulojnë rrugën e tyre - duke kaluar nga një fushë në tjetrën, ose duke rifilluar pas një pauze.
- Personat me rrënjë shqipfolëse, edhe nëse nuk e ndjejnë shqipen si gjuhën e parë - tek ne, origjina është pikë lidhjeje, jo kriter përjashtimi.
- Pjesëmarrës në trajnime profesionale, që kërkojnë rrjete ku mund të zhvillohen më tej dhe të ndajnë dijen në rritje.
Si e ndërtojmë përfshirjen?
Përfshirja është një proces i vazhdueshëm që e mbajmë të hapur. E fillojmë me një organizim sa më transparent dhe një përfaqësi që përpiqet të pasqyrojë larminë e zërave brenda komunitetit. Çdokush që jep kontribut - qoftë një pyetje në forum, një mendim i ndarë në takim, apo një përvojë personale - është pjesë aktive e këtij rrjeti dhe e vlerësojmë hapur.
Për ata që ndodhen në kushte më sfiduese, përpiqemi të ofrojmë mbështetje përmes materialeve praktike apo nismave që e bëjnë pjesëmarrjen më të lehtë dhe më të mundshme. Besojmë se kultura dhe origjina jonë ka vlera përfshirëse që mund të jenë një bazë e fortë për një komunitet që vlerëson.
Dhe ky komunitet ka pasur fatin të mbledhë njerëz nga shumë fusha të ndryshme, që vijnë me perspektiva unike. Për ne, kjo nuk është thjesht shumëllojshmëri - është arsyeja pse ky rrjet ka mundësinë të ndryshojë diçka modestisht në jetën e pjesëmarrësve.
Sugjeroni përmirësime:
https://forum.illyrianbrains.dev/t/perfshirja-sa-me-e-gjere/557
Më shumë info së shpejti.
Më shumë info së shpejti.
Më shumë info së shpejti.
Udhëzues për Anëtarët
Dokumentacion i brendshëm për të patur transparencë dhe zhvillim të rrjetit.
Vendimmarrja kryhet me anë të trajtimit të propozimeve nga rrjeti/komuniteti. Kushdo ka dëshirë apo ide se si mund të përmirësohen aktivitetet apo ana organizative e rrjetit, ndan një propozim në forum, dhe bordi e kategorizon në:
- Propozim i Jeshiltë: Propozim që bën sens, që mund të jetë modus operandi, mirëpo nuk është shkruar apo ndarë më parë. Aprovohet me votim online nga bordi.
- Propozim i Verdhë: Propozim që ka nevojë për kujdes dhe për më shumë informacion. Kalon nga një proces më i detajuar i trajtimit. Aprovohet me votim në një takim nga bordi.
- Propozim i Kuq: Propozim që ka nevojë për trajtim të detajuar dhe informim të komunitetit, meqë prek natyrën e rrjetit. Aprovohet me votim nga të gjithë anëtarët, dhe kalon në rast se merr 75% të votuesve.
Bordi ruan balancën midis plotësimit të misionit për tju gjendur pranë rrjetit, dhe autonomisë së qyteteve për vendimmarrje të brendshme.
Më shumë info së shpejti.
Më shumë info së shpejti.
Më shumë info së shpejti.
Më shumë info së shpejti.
Më shumë info së shpejti. Por ideja është që gjërat marrin kohë.
Vendimmarrja për ndryshime në rrjet është e bazuar në konceptin e propozimeve. Propozimet për qytetet trajtohen nga qytetet në mënyrë të drejtpërdrejtë.
Të gjithë pjesëmarrësit dhe anëtarët kanë të drejtë të sugjerojnë ndryshime për rrjetin. Çdo propozim duhet të jetë i shkruar në forum, edhe të ndjekë proçesin e brendshëm të rrjetit për tu aplikuar.